Лепче со лук

Ова живо лепче е направено без житарки, не содржи глутен, а изгледа како вистинско лепче. За да го направите, ќе ви бидат потребни следниве состојки:

• 260 гр пулпа од бадеми*
• 1 зелена тиквичка
• 30 гр лушпи од индиски тегавец (psyllium husk)
• 1 чешне лук
• 3 излупени урми
• 30 гр ленено семе
• 1/2 лажичка хималајска сол
• 1/2 лажичка сода бикарбона

Комбинирајте ги сите состојки во блендер и обработувајте додека не добиете хомогена смеса. Од добиенатасмеса обликувајте 2 векни леб, 3 цм високи и 5 цм широки. Дехидрирајте 14 часа на 46° Ц во дехидратор.

Ако немате дехидратор можете да ги ставите во рерна на 50° Ц со подотворена вратичка.

Откога ќе бидат готови, чувајте ги фрижидер до 4 дена.

Одлична комбинација е со веганезот и сирењето од индиски ореви.

*Пулпата од бадемите ќе ја добиете  со цедење на бадемово млеко.